O problema das humidades (e que frío fai)

Ufff, esta semana de frío e choiva a humidade na casa faise notar máis que nunca. As paredes teñen máis dun metro de ancho e no interior o ambiente é escuro. Estes son, polo tanto, tres factores importantes a ter en conta: humidade, temperatura e iluminación.Comezamos pola última:

A iluminación: trataremos de sacar o máximo rendemento ás entradas de luz natural da casa. Pensamos en poñer fiestras e portas con carpintería branca de PVC e dunha única folla, aproveitando ao máximo o marco actual, de 85cm. x 130cm. aprox nas fiestras e 110cm. x 210cm. nas portas. A casa é longa pero estreita. Contabilizamos un total de 10 fiestras e 4 portas. Por aí terá que entrar toda a luz natural que poidamos! Pola parte de dentro levará unhas "contras" de madeira que estamos restaurando e pintando de branco. Á súa vez revisaremos todos os circuítos eléctricos e trataremos de colocar mellor os puntos de luz eléctrica no interior.

A temperatura: afortunadamente a casa xa conta con radiadores e sistema de calefacción de gasoil. Teremos que revisar todo o circuíto, reparar algúns radiadores, recolocalos e sacarlle o máximo rendemento ao calor que desprenden.

A humidade: o principal problema da casa, tanto no chan da primeira planta como nas paredes. Nas paredes solicitamos orzamento para colocar lana de roca e/ou fibra de vidro como aislantes e logo cubrila con Pladur. No chan xa temos plaqueta, pero debemos cubrila con láminas triso de  aluminio e tarima flotante con tratamento térmico (tipo AC5 de 8mm.). A cuberta da casa xa conta con uralita e tella, polo que está ben protexida, pero teremos que proxectar poliuretano branco. No exterior da casa utilizarase pintura ao silicato branca impermeable e transpirable ao vapor de auga. No interior levará unha pintura plástica antimoho mate branca. 

En principio, con isto sería suficiente para ir tirando... pero a ver se mellora un pouco o tempo para poñernos "mans á obra".

Primeira peza rematada

Por fin podemos ensinar o resultado final da mesita. Desta volta preferín facer todos os pasos sobre unha soa peza para comprobar como quedaría. Estamos moi contentos, porque o resultado é moi satisfactorio. Así que agora xa podemos traballar de un modo máis efectivo, con varias pezas ao mesmo tempo.

E aquí tedes por fin, a mesita rematada ao lado da súa xemelga para poder ver o antes e o despois. 

 

O máis chamativo para nós, foi ver como formas que na versión orixinal pasaban practicamente desapercibidas, gañaron gran importancia na versión definitiva. 

E a vós... que vos parece o resultado? ;)

Respirando aire puro e tranquilidade

A pintura non secou aínda, polo que resulta imposible cumplir a promesa de ensinar a mesita rematada nesta entrada, pero o que si prometemos é que en canto esté mostramos o resultado final.

Ademais, como o día convidaba a airearse, tivemos xornada de xardinería.

Plantamos uns rosais e podamos as agaves (planta americana que acabou en algún xardín que outro confundida co aloe vera).

Vimos a primeira flor das pequenas camelias, plantadas tamén recentemente

E Antón estivo a saltar polos charcos modo "Peppa Pig e George"

Si hoxe se estaba ben alí, imaxinade en plena primavera. Cada vez con máis ganas de escapar do piso!!

As primeiras pinceladas

Unha difícil decisión á hora de afrontar un proxecto como o que pretendemos abordar, é a planificación do mesmo. Por onde comezamos? cal sería a orde lóxica das cousas para conseguir ser o máis prácticos posible? Pois a estas alturas aínda non o temos claro. Pero pareceunos que comezar por renovar os mobles podería ser unha boa idea, xa que deste xeito a propia casa funcionará como taller nas labores pertinentes sin preocuparnos do exceso de pó ou das manchas de pintura.

A elexida como primeira peza a tratar foi unha mesita dun dos xogos de dormitorio. A idea é que pasen a ser as do noso propio dormitorio.

Esta é a mesita no seu estado orixinal...

Non é de madeira, pero polo gasto de renovala nin en Ikea. Así que mans á obra. O primeiro paso é quitar todos os ferraxes coa finalidade de limpalos e de permitir o lixado e pintado. A continuación comezamos a lixar. Si non se pretende chegar á madeira, o propio barniz (sen un lixado a fondo) fai de capa de imprimación. Si o moble fose de madeira e quixéxemos lixalo a fondo sería preciso comezar por dar unha capa de imprimación.

Co moble semilixado, comezamos a pintar. Neste caso cun esmalte satinado blanco (o que penso empregar para a maioría dos mobles da casa, portas, contras e demáis familia).

Aquí a mesita coa primeira capa. Pode observarse ben na seguinte foto como se pode ver aínda o fondo escuro.

Na seguinte entrada ensinareina xa rematada. Coa segunda ou terceira capa, segundo o propio moble solicite ;)

Información e materiais

Despois de darlle moitas voltas á reforma, a como levala a cabo e ao orzamento co que contamos... chegamos á conclusión de que un DIY (do it yourself) ou un Faino ti mesmo, era a mellor opción. Por suposto non teremos a maña de afrontar todo o que a casa precisa, pero si estamos dispostos a facer todo o que poidamos. Para iso, o primeiro, a recopilación de información. Moitos blogues, foros e vídeos de Youtube acerca de decoración, de montaxe da tarima flotante, de renovado de mobles, cociñas e baños... E coas ansias calmadas, primeiras compras para comezar a traballar.

O bodegón de adquisicións para a man de obra. E xa comezamos a empregalo! Na próxima entrada ensinámosvos o que estivemos a pintar ;)

Preocupados por seguir en conexión

 Abandonar o cable de fibra óptica de 10Mb da cidade pode ser doloroso :( A posible solución está na contratación dun servizo de cobertura 3G para o fogar, pois temos preto as antenas do Milladoiro (Ames). Proponse a instalación dun router WIFI ao que poderán conectarse todos os ordenadores da casa, tanto dentro como fóra. A velocidade mesmo pode acadar os 10Mb con este sistema, pero posiblemente non pasemos dos 6Mb, ou igual conformarnos con 3Mb. En boa medida, dependerá da saturación da propia antena do Milladoiro, que será alta, tendo en conta a amplitude do núcleo urbano e o parque empresarial próximo. Do volume de móbiles e/ou dispositivos 3G "bebendo" desa antena dependerá a calidade do noso servizo na casa. A opción do cable está descartada, porque o servizo ADSL non sobrepasa 1Mb neste punto e pode ter cortes no servizo ao utilizar a vella liña telefónica de Santiago de Compostela.

No tocante ao TDT intentaremos primeiro utilizar unha antena TDT no interior da casa, para conectar ao televisor. No caso de que o sinal sexa malo teriamos que intentalo cunha antena exterior elevada.

Todo "sen fíos":)Outras propostas?

aldea vs cidade

Xaneiro de 2013. Hoxe comezamos oficialmente a reforma da casa! Cansos da vida urbanita... 

pretendemos arreglar a casa familiar na aldea e comezar unha nova aventura na procura da tranquilidade. Comezamos! AAD